Tuesday, 27 September 2016

Haryani joke

🐪🐪
एक बार, एक जाट ने
शमशान घाट में हल जोड़ दिया
भूत कितै बाहर जा रहा  था।

भूतनी जाट न डरावन खातिर कांव कांव करण लागी, पर जाट न कोई परवाह नही की ।

आख़िर भूतनी बोली "जाट तू यो के करै सै"

जाट बोल्या "मैं यहां बाजरा बोवुंगा"

भूतनी बोली "हम कित रवैंगे"

जाट बोल्या "मनै थारा ठेका कोनी ले राख्या ।

भूतनी बोली "तू म्हारे घर का नास मत कर,  इसके बदले हम तेरे घर मै 100 मण बाजरा भिजवा देगें".

जाट बोल्या "ठीक सै लेकिन बाजरा कल पहुॅचना चाहिए नहीं तो मैं फेर आके हल जोड़ दूंगा"

शाम नै भूत घर आया तो भूतनी बोली आज - तो नास होग्या था, न्यूं न्यूं बणी ।  जाट 100 मण बाजरे में मान्या सै ।

भूत ने भोत गुस्सा आया और बोल्या -  तने क्यों 100 मण बाजरे की ओट्टी, मन्ने इसे जाट भतेरे देखे सै.
मन्नह उसका घर बता मैं उसने  सीधा कर दूंगा ।

भूत जाट के घर गया ।

जाट के घर मैं एक बिल्ली हील रही थी । वो रोज आके दूध पी जाया करती।

जाट ने खिड़की में एक सिकंजा लगा लिया और रस्सी पकड़ के बैठ गया ।  आज बिल्ली आवेगी और मैं उसने पकडूँगा ।

भुत न सोची तू खिड़की म बड़के जाट न डरा दे ।

वो भीतर न नाड़ करके खुर्र-खुर्र करने
लगा।  जाट नै सोची – बिल्ली आगी।

उसने फट रस्सी खिंची और भूत की नाड़ सिकंजे मैं फंस गी ।  वो चिर्र्र – चिर्र्र करने लगा ।

जाट बोल्या रै तू कोण सै ?
वो बोल्या मैं भूत सूं ।

जाट बोल्या अङै के करै सै ?

भूत बोल्या "मैं तो न्यू बुझण आया था के तू 100 मण बाजरे मैं मान ज्यागा या पूली 🎍भी साथै भिजवानी सै
🌾🌾

No comments:

Post a Comment